"Барселона" жамоасининг янги ўйинчиси Серхио Агуэро Каталония клубига ўтиш учун ойлик маошини сезиларли даражада қисқартиришга рози бўлган.
Mundo Deportivo хабарига кўра, 33 ёшли аргентиналик футболчи солиқлардан ташқари ҳар мавсум учун 6 миллион евро ишлаб топади. "Манчестер Сити"да у йилига 23 миллион даромад оларди. Шу билан бирга, ўйинчи шартномада белгиланган муҳим бонусларга эга, бу унинг ўйинларига боғлиқ: голлар, ғалабалар ва совринлар учун.
Қайд этилишича, Агуэро "Ювентус"дан яхшироқ таклифга эга бўлган, аммо "Барса"га дўсти Лионел Месси билан бирга ўйнаш учун ўтган.
