ЖЧ—2022 ва Осиё Кубоги—2023 қўшма саралаш босқичи доирасидаги бир қатор учрашувлар 3 июнь, пайшанба куни бўлиб ўтди.

Ўзбекистон билан бир гуруҳдан жой олган Фаластин ва Сингапур терма жамоалари ўзаро баҳсга киришди. Ўйин 4:0 ҳисобида фаластинликларнинг ғалабаси билан тугади. Тамер Сеям икки бор пенальтини аниқ ижро этиб, дубль қайд этган бўлса, Одай Даббағ ва Ёсир Ҳамид биттадан голни ўз ҳисобига ёздириб қўйди.

Шу тариқа, ушбу ғалабадан кейин Фаластин очколарини 7 тага етказиб олган ҳолда учинчи ўринга кўтарилди ва Ўзбекистондан икки очко ортда қолмоқда. Шу билан бирга Вадим Абрамов жамоаси 5 та ўйин ўтказган, Фаластин эса — 7 та.

Эрон терма жамоаси Гонконг устидан ишончли ғалабани қўлга киритди. Баҳрайн эса Камбожага жавобсиз 8 та гол урди.

Эслатиб ўтамиз, Ўзбекистон терма жамоаси марказлашган тизимда Саудия Арабистонида ўтаётган гуруҳ босқичидаги навбатдаги ўйинини 7 июнь куни Сингапурга қарши ўтказади.

ЖЧ—2022 саралаши, 3 июнь, пайшанба
Фаластин — Сингапур 4:0
Голлар: 1:0 – 20, пенальти Тамер Сеям, 2:0 – 24 Одай Даббаг, 3:0 – 31, пенальти Тамер Сеям, 4:0 – 85 Ёсир Ҳамид.

Эрон — Гонконг 3:1
Голлар: 1:0 – 23 Али Ғолизода, 2:0 – 62 Воҳид Amiri, 3:0 – 84 Карим Ансорифард, 3:1 – 85 Су Кван.

Баҳрайн — Камбожа 8:0
Голлар: 1:0 – 8 ал-Асвад, 2:0 – 45+3 ар-Ромайҳи, 3:0 – 46 Али Мадан, 4:0 – 52 аш-Шайх, 5:0 – 65 Али Мадан, 6:0 – 71 ал-Асвад, 7:0 – 75 Исмоил Абдулатиф, 8:0 – 90+3 Исмоил Абдулатиф.

БАА — Малайзия 4:0
Голлар: 1:0 – 19 Али Мабхут, 2:0 – 83 Фабио Лима, 3:0 – 90+1 Али Мабхут, 4:0 – 90+3 Фабио Лима.

Бангладеш — Афғонистон 1:1
Голлар: 0:1 – 48 Амируддин Ширифи, 1:1 – 83 Топу Барман.

Ҳиндистон — Қатар 0:1
Гол: 0:1 – 33 Абдулазиз Ҳатим.

Таиланд — Индонезия 2:2