JCH—2022 va Osiyo Kubogi—2023 qo‘shma saralash bosqichi doirasidagi bir qator uchrashuvlar 3 iyun, payshanba kuni bo‘lib o‘tdi.

O‘zbekiston bilan bir guruhdan joy olgan Falastin va Singapur terma jamoalari o‘zaro bahsga kirishdi. O‘yin 4:0 hisobida falastinliklarning g‘alabasi bilan tugadi. Tamer Seyam ikki bor penaltini aniq ijro etib, dubl qayd etgan bo‘lsa, Oday Dabbag‘ va Yosir Hamid bittadan golni o‘z hisobiga yozdirib qo‘ydi.

Shu tariqa, ushbu g‘alabadan keyin Falastin ochkolarini 7 taga yetkazib olgan holda uchinchi o‘ringa ko‘tarildi va O‘zbekistondan ikki ochko ortda qolmoqda. Shu bilan birga Vadim Abramov jamoasi 5 ta o‘yin o‘tkazgan, Falastin esa — 7 ta.

Eron terma jamoasi Gonkong ustidan ishonchli g‘alabani qo‘lga kiritdi. Bahrayn esa Kambojaga javobsiz 8 ta gol urdi.

Eslatib o‘tamiz, O‘zbekiston terma jamoasi markazlashgan tizimda Saudiya Arabistonida o‘tayotgan guruh bosqichidagi navbatdagi o‘yinini 7 iyun kuni Singapurga qarshi o‘tkazadi.

JCH—2022 saralashi, 3 iyun, payshanba
Falastin — Singapur 4:0
Gollar: 1:0 – 20, penalti Tamer Seyam, 2:0 – 24 Oday Dabbag, 3:0 – 31, penalti Tamer Seyam, 4:0 – 85 Yosir Hamid.

Eron — Gonkong 3:1
Gollar: 1:0 – 23 Ali G‘olizoda, 2:0 – 62 Vohid Amiri, 3:0 – 84 Karim Ansorifard, 3:1 – 85 Su Kvan.

Bahrayn — Kamboja 8:0
Gollar: 1:0 – 8 al-Asvad, 2:0 – 45+3 ar-Romayhi, 3:0 – 46 Ali Madan, 4:0 – 52 ash-SHayx, 5:0 – 65 Ali Madan, 6:0 – 71 al-Asvad, 7:0 – 75 Ismoil Abdulatif, 8:0 – 90+3 Ismoil Abdulatif.

BAA — Malayziya 4:0
Gollar: 1:0 – 19 Ali Mabxut, 2:0 – 83 Fabio Lima, 3:0 – 90+1 Ali Mabxut, 4:0 – 90+3 Fabio Lima.

Bangladesh — Afg‘oniston 1:1
Gollar: 0:1 – 48 Amiruddin Shirifi, 1:1 – 83 Topu Barman.

Hindiston — Qatar 0:1
Gol: 0:1 – 33 Abdulaziz Hatim.

Tailand — Indoneziya 2:2