Жанубий Америка ЖЧ-2022 саралаш босқичидан ўрин олган учрашувлар давом эттирилмоқда. Бразилия терма жамоаси ўз майдонида Эквадорни қабул қилиб, ишончли ғалабани қўлга киритди.

Учрашувнинг 65-дақиқасида Ришарлисон ҳисобни очган бўлса, иккинчи бўлимга қўшиб берилган дақиқаларда белгиланган пенальтини Неймар аниқ амалга ошириб, "пентакампеонлар"нинг ғалабасини мустаҳкамлади.

Бразилия дастлабки 5та ўйинда ғалаба қозониб, 15 очко билан яққол пешқадамлик қилмоқда. Иккинчи ўриндаги Аргентина ҳисобида эса 11 очко мавжуд.

ЖЧ-2022 саралаш. КОНМЕБОЛ, 7-тур баҳси
Бразилия – Эквадор 2:0 (0:0, 2:0)
Голлар: 1:0 – 65 Ришарлисон, 2:0 – 90+4, пенальти Неймар.
Бразилия – Алиссон, Маркиньос, Алекс Сандро, Данило, Милитао, Лукас Пакета, Каземиро, Фред (Габриэл Жезус, 62), Неймар, Габриэл Барбоза (Фирмино, 76), Ришарлисон (Фабиньо, 90).
Эквадор – Домингес, Арреага, Арболеда, Эступиньян, Пресиадо, Груэсо, Мендес (Эстрада, 76), Пресиадо (Мартинес, 70), Франко, Мена (Касарес, 84), Валенсия (Кайседо, 76).
Огоҳлантиришлар: Пресиадо (27), Фред (37), Валенсия (55), Пресиадо (69), Милитао (73), Домингес (90).