Сал аввалроқ Англия терма жамоаси бош мураббийи Гарет Саутгейтнинг лавозимидан озод этилиши мумкинлиги тўғрисида турли миш мишлар тарқалган эди. 

Бироқ якунда буларнинг барчаси фэйк маълумотлар бўлиб чиқди. Британия манбаларининг хабарига кўра, у лавозимидан кетмайди.

Times газетаси журналисти Генри Винтернинг таъкидлашича, 50 ёшли мураббий Англия термаси Евро-2020да қандай натижаларга эришишидан қатъий назар ўз лавозимида қолади.

Англия футбол ассоциацияси Саутгейт бошчилигида ёш жамоа тўғри йўналишда ривожланмоқда деб ҳисоблайди. Унга яқинлашиб келаётган ЖЧни ютишига ҳам катта ишонч билдириляпти.

Маълумот учун, Саутгейт Англияда 2016 йилдан бери ишлаб келади.