"Реал" ҳужумчиси Эден Азар Чемпионлар Лигаси ярим финалида ютқазганидан кейин нима учун кулиб қўйганини айтиб ўтди. Иккинчи ўйинда ярим финалда "Реал" "Челси"га ютқазган (0:2) ва финал ҳуштагидан сўнг "Челси" футболчилари билан суҳбатлашаётганда кулиб юборганди.
"Мен нотўғри иш қилдим. Менди ва Зума ҳеч қандай кулгили гап айтмадилар. Аммо мен Зума билан ўйнаганман ва Мендини танийман. Дўстлар билан учрашганингизда, сиз доим хурсанд бўласиз. Аммо мен "Реал"нинг обрўсига путур етказганимни тушунаман. Мен "Реал" ютқазганига қувонганим йўқ, аксинча, жуда хафа бўлдим", - деди Азар.
