Испаниянинг «Севилья» клуби россиялик ҳужумчи Магомедҳабиб Абдусаламовга қизиқиш билдирмоқда, деб хабар беради Sport24.

Манбанинг хабарига кўра, футболчи Испан клубини Россия ёшлар жамоасидаги Англия ва Швейцария терма жамоаларига қарши ўйини билан қизиқтирган. Шунингдек, форвард «Валенсия», «Алавес», «Ренн» ва «Монпелье» клублари нишонида ҳам бўлиб турибди. Аммо, Абдусаламовлар оиласи футболчининг Россияда тажриба орттиргани яхшироқ деб ўйлайди.

18 ёшли Абдусаламов ПФЛ "Родина" (Москва) клубида ўйнайди. Ўтган мавсумда у 19 учрашув ўтказди ва олтита гол урди.