MadridistaReal нашрининг ёзишича, "Реал"да мураббий алмашиши Гарет Бэйлни Мадридда ажойиб мавсум ўтказишига туртки бўлган.
Хабарда айтилишича, уэльслик футболчи 2021/22 йил ўзи учун муваффақиятли йил бўлишига ишонади. Бэйлнинг "қаймоқранглилар" билан шартномаси 2022 йилда тугайди ва Гарет бошини тик кўтарган ҳолда Мадридни тарк этмоқчи.
Ўтган йили 32 ёшли футболчи Зинедин Зидан билан ёмон муносабатлар туфайли "Тоттенхэм"га ижарага берилганди. Қисқа муддат Англияда бўлганида, ҳужумчи 34 ўйинда 16 та гол урди ва 3 та голли узатмани амалга оширди.
Карло Анчелотти Бэйлни режаларига киритганми, ёки йўқми бу номаълум, чунки италиялик мутахасси мавсум олдидан уэльслик билан ишлаш нияти йўқлиги ҳақида айтганди. Айни пайтда, Бэйлга 2020 йилги Европа чемпионатидаги иштироки туфайли қўшимча таътил берилган ва барчаси яқин кунларда аниқ бўлади.