Бугун Озарбойжон Премьер-лигаси қишки танаффусдан сўнг яна ўз ўйинларини бошлади. Терма жамоамиз ҳужумчиси Баҳодир Насимов тўп сураётган Бокунинг «Нефтчи» клуби қўшни Сумғайит шаҳрида маҳаллий «Сумғайит» меҳмони бўлди ва йирик ҳисобда ғалаба қозонди.
Эътиборлиси, Насимов ушбу учрашувнинг иккинчи бўлимида ҳисобнинг йириклашишига хизмат қилган голлар муаллифи бўлди ва умумий голлари сонини 13 тага етказиб, Озарбойжон Премьер-лигасида тўпурарлар рўйхатининг яққол карвонбошиси бўлиб турибди.
Ушбу ғалабадан сўнг, ўтказилган 19 учрашувда 40 очко жамғарган «Нефтчи» турнир жадвалини ҳам бошқариб турибди.
Озарбойжон Премьер-лигаси. 20-тур.
СУМҒАЙИТ (Сумғайит) – НЕФТЧИ (Боку) 0:3 (0:1)
Голлар: Флавиньо (45+1), Баҳодир Насимов (49, 85)
