2006 йил футзал бўйича Эрон терма жамоаси гегемонлигига чек қўйиб, Япония термаси билан Тошкентдаги Осиё чемпионатида зафар қучган бразилиялик мутахассис Сержио Сапо Қатар футзал терма жамоасига бош мураббий этиб тайинланди.
Пойтахтимиз Тошкент Сапо учун омадли эканини айтиш ўринли. 2010 йилги қитъа чемпионатида терма жамоамизни финалга қадар етаклаб келган 52 ёшли мутахассис саралашда 1-ўринни қўлга киритган Қатар терма жамоасини Осиё чемпионатига тайёрлаб боради.
Шу йилнинг май ойида БААда бўлиб ўтадиган қитъа чемпионатига Ўзбекистон терма жамоасини испаниялик Хосе Мария Мендез бошлаб боришидан яхши хабардорсиз. Осиё чемпионати ноябрь ойида Таиландда бўлиб ўтадиган жаҳон чемпионатига йўлланма бериши сабаб, мундиал чипталари учун кураш анча жиддий кечиши турган гап.
ЎФФ Мендезнинг олдига жаҳон чемпионати вазифасини қўйгани каби, ҚФА ҳам Сержио Сапо билан жаҳон чемпионатида иштирок этишга умид билдирмоқда.
