«Лос-Анжелес Гэлакси»нинг 36 ёшли ярим ҳимоячиси ва Англия терма жамоасининг собиқ сардори Дэвид Бэкҳэм, Фабио Капелло термани тарк этгани бу афсусланарли ҳол эканлиги таъкидлаб, шунингдек жамоа янги мураббийи «Тоттеҳэм» устози Ҳарри Реднапп бўлишига умид боғлаётганини айтиб ўтди.
«Мен Фабио билан бир неча йил давомида бирга ишладим. У термани тарк этишга мажбур бўлгани — афсусланарли ҳолат. Бу қарорга келиши учун унинг шахсий асослари бор эди деб ўйлайман. Мен уни ҳам мураббий сифатида, ҳам инсон сифатида жуда хурмат қиламан. Бундан кейинги ишларида ҳам мувоффақият тилайман».
«Жамонинг янги сардорига келадиган бўлсак, уни терма жамоанинг янги бош мураббийи тайинлаши керак. Ҳар доим шундай бўлиб келган».
«Менимча, жамоани энди Ҳарри Реднапп бошқарса керак. У ҳам яхши инсон ва шу билан бирга яхши мураббий ҳамдир. Менинг ўзим унинг машғулотларида қатнашганман ва буни жуда яхши биламан», — дея унинг сўзларидан Reuters иқтибос келтирмоқда.
