«Реал» ва Испания терма жамоаларининг собиқ дарвозабони Икер Касильяс ўзининг биринчи дарвозабонларни тайёрлаш марказини очди. У Икер Касильяс дарвозабонларни тайёрлаш маркази деб номланади ва Дубайда (БАА) жойлашган. Лойиҳа Амирлик спорт кенгаши томонидан маъқулланган.
"Мен ҳар доим ўз спортимга қайтишни орзу қилганман, бу менга ҳамма нарсани берди, шунинг учун мен иқтидорли дарвозабонларни ривожлантиришга бағишланган марказ очдим. Марказда дарвозабонлар тайёрланаётганига қарамай, бизнинг асосий вазифамиз – яхши ёш футболчиларни топиш ва уларни ривожлантириш”, – дейди Касильяс.
Шунингдек, марказда профессионал дарвозабонлар, жумладан, бошқа давлат дарвозабонлари тайёрланиши мумкин бўлади. Дарвозабонлар учун мураббийлар тайёрлаш ҳам режалаштирилган.
