Эроннинг «Сепоҳон» клуби Сербиянинг «Партизан» клуби бош мураббийи Грантнинг миллати туфайли ушбу клаб билан ўртоқлик учрашуви ўтказишдан бош тортди.
«Партизан»нинг бош мураббийи Аврам Грантнинг таъкидлашича, Эрон клубининг ўртоқликлик учрашувини бекор қилишига бош сабаб Грантнинг исроиллик эканидир.
«Бу шармандали қарор. Мен ҳеч қачон спортни сиёсат билан аралаштирмаганман. Англияда мусулмонлар билан тез-тез ишлашимга тўғри келган, уларнинг орасида дўстларим ҳам бор», - дея Грант сўзларини келтиради AP.
Бундан ташқари, «Партизан» клуби Грантнинг миллати туфайли Дубайда ўтадиган анъанавий йиғинни ҳам Анталияга кўчиришган ва айнан шу шаҳарда жума куни «Сепоҳон»га қарши ўйин бўлиб ўтиши керак эди.
