Озарбойжон Премьер-лигасининг 21-тури ниҳояланди. Таркибида терма жамоамиз ҳужумчиси Баҳодир Насимов ҳаракат қилаётган Бокунинг «Нефтчи» клуби ўз майдонида «Равон» клуби устидан минимал устун келди.

Баҳодир Насимов шу куни майдонла 90 дақиқа тўлиқ ҳаракат қилган эса-да, гол урин бахти Флавиньога насиб этди. Ўйин тугашига 7 дақиқа қолганда бразилиялик футболчи ғалаба тўпини киритди.

«Нефтчи» 20 ўйиндан сўнг 43 очко жамғарган холда турнир жадвалида карвонбошлик қилмоқда. Иккинчи ўриндаги Бокунинг «Интер» клубида 42 очко мавжуд. Ланкараннинг «Хазар» клуби эса  38 очко жамғарган ҳолда 3-ўрида бормоқда.

13 та гол билан Озарбойжон чемпионатининг энг яхши тўпурари бўлиб турган Баҳодир Насимов ушбу ўйиндан сўнг Жанубий Корея ва Японияга қарши ўйинларда иштирок этиш учун юртимизга қайтиб келди. ЎФФ расмий твиттерининг хабари кўра, футболчиларимиз 22 февралда Сеулга учиб кетишади.