«Рома» яримҳимоячиси Стивен Н'Зонзи «Ал-Райян»га ўтди, деб хабар беради араб клуби матбуот хизмати твиттерда.

Томонлар 2023 йилгача шартнома имзоладилар. ОАВ маълумотларига кўра, Қатарда Н'Зонзи ҳар мавсумда тахминан 3 миллион евро олади. Аввалроқ, «Ал-Райян» Европанинг яна бир машҳур футболчиси - «Эвертон» футболчиси Хамес Родригес билан шартнома имзолаганди

Н'Зонзининг «Рома» билан шартномаси 2022 йилнинг ёзигача ҳисобланган. Клуб Стивенни янги мавсум режаларига киритмаган, у ўтган мавсумни «Ренн» клубида ижарада ўтказган.

Н'Зонзи 2018 йилнинг августидан буён «Рома»да ўйнайди.
Эслатиб ўтамиз, Стивен «Рома» таркибида 39 та ўйинда майдонга тушиб, битта гол ва иккита голли узатмани амалга оширган.