«Ливерпуль» клуби афсонаси Робби Фаулер жамоа ҳужумчиси Салоҳ ҳақида фикр билдирди. У бу ҳақда шундай дейди:
«Муҳаммад Салоҳ ҳеч қандай шубҳасиз топ даражали футболчи. Менимча, у клуб билан янги шартнома тузиши керак. Унга энг кўп миқдорда маош тўланиши лозим. Бу адолатдан бўлади ва бунга ҳеч ким норозилик ҳам билдира олмайди. Ҳозирда Салоҳ билан янги битим тузиш ҳақида ҳеч қандай янгилик йўқ ва бу мени ҳайрон қолдираётир. Албатта, унга сўраганини бериш ва жамоада олиб қолиш лозим. Клуб ичидагилар ва мухлислар шуни исташади. Бу иш қанча эрта бўлса, шунча яхши».
Ҳозирда Муҳаммад Салоҳ Миср терма жамоаси билан саралаш баҳсларида иштирок этмоқда.
