Кеча Андижон шаҳрига етиб
келган Португалиялик меҳмонлар ташрифнинг расмий қисми бугундан бошлади. Меҳмонлар бугун эрта тонгда «Андижон» футбол клуби таъсисчиси Журъатбек Қувватов билан учрашди. Учрашувда келажакдаги ҳамкорлик борасида фикр мулоҳазалар билдирилди ва фикрлар алмашинилди.
Португалиялик меҳмонлар «Андижон» жамоамиз билан ҳамкорликни йўлга қўйганидан мамнун эканликларини таъкидлаб ўтди. «Андижон» ва «Бенфика» жамоалари ҳамкорликда Андижон шаҳрида Португалия клуби қошида футбол академияси очиш борасидаги масалалар муҳокама қилинди ва бу борадаги ҳамкорлик тўғрисида музокаралар олиб борилди.
Шунингдек, Португалиялик меҳмонлар жамоамиз стадиони «Бобур арена» ва Бўстон футбол мактабига ҳам ташриф буюрди. Бу ҳақда кейинроқ батафсил маълумот берамиз.
Андижон клуби матбуот хизмати.
