Kecha Andijon shahriga yetib
kelgan Portugaliyalik mehmonlar tashrifning rasmiy qismi bugundan boshladi. Mehmonlar bugun erta tongda «Andijon» futbol klubi ta’sischisi Jur’atbek Quvvatov bilan uchrashdi. Uchrashuvda kelajakdagi hamkorlik borasida fikr mulohazalar bildirildi va fikrlar almashinildi.
Portugaliyalik mehmonlar «Andijon» jamoamiz bilan hamkorlikni yo‘lga qo‘yganidan mamnun ekanliklarini ta’kidlab o‘tdi. «Andijon» va «Benfika» jamoalari hamkorlikda Andijon shahrida Portugaliya klubi qoshida futbol akademiyasi ochish borasidagi masalalar muhokama qilindi va bu boradagi hamkorlik to‘g‘risida muzokaralar olib borildi.
Shuningdek, Portugaliyalik mehmonlar jamoamiz stadioni «Bobur arena» va Bo‘ston futbol maktabiga ham tashrif buyurdi. Bu haqda keyinroq batafsil ma’lumot beramiz.
Andijon klubi matbuot xizmati.
