«Арсенал» хўжайини Стен Кронкенинг ўғли Жош Кронке клубни сотиш бўйича таклифлар ҳақида гапирди.
«Биз доимо дунё бўйлаб турли одамлардан таклифлар оламиз ва бу «Арсенал»нинг кучлилиги ҳақида гапиради. «Арсенал» футбол клуби жаҳон брендидир. Менинг ягона жавобим шуки, клуб сотилмайди. Биз эндигина саёҳатимизни бошлаяпмиз. Биз клубга фақат 2018 йилдан бери эгалик қиламиз. Бизда ёш мураббий, ёш жамоа бор ва биз ўз ривожланиш йўлимизни белгилаяпмиз», - дея Кронке сўзларини келтиради Sky Sports.
Лондоннинг «Арсенал» клуби 11 ўйинда 20 очко тўплаган ва Англия Премьер-лигасининг 2021/2022 йилги мавсуми турнир жадвалида 5-ўринни эгаллаб турибди.
