"Манчестер Юнайтед" ҳужумчиси Маркус Рэшфорд ноябрь ойидаги Англия терма жамоасининг ўйинларини ўтказиб юборади, дея хабар беради клуб матбуот хизмати.
Форвард ЖЧ-2022 саралаш баҳсларининг навбатдаги учрашувлари учун терма жамоанинг чақирувини рад этди.
Рэшфорд бор эътиборини “Манчестер Юнайтед” сафидаги жароҳатини тўлиқ тиклашга қаратмоқчи. У яқинда елкасидан операция қилинганидан кейин яна аввалги формасига киришни хоҳлайди.
Эслатиб ўтамиз, Англия терма жамоаси 12 ноябрь куни Албания билан, 3 кундан кейин эса Сан-Марино билан баҳс олиб боради.
Жорий мавсумда 24 ёшли футболчи “Манчестер Юнайтед” сафида 6та ўйинда иштирок этиб, 3та гол урди.
