"MiaSanMia" нашри хабарига кўра, "Бавария"нинг бир қанча футболчилари коронавирусдан тузалиб кетишди.
Жошуа Киммих, Серж Гнабри ва Жамал Мусиаланинг бугунги ковид учун топширган тести салбий натижа берди ва энди улар яна машғулотларга қайтиши мумкин. Никлас Зюледа эса ҳали ҳам касалликнинг енгил аломатлари бор.
Манба берган хабарга кўра, Мусиала ва Гнабри бугундан бошлаб жамоа билан машғулотларида иштирок этишади. Киммих эса шахсий сабабларга кўра машғулотларни ўтказиб юборади.
Эслатиб ўтамиз, Бундеслиганинг навбатдаги турида "Бавария" сафарда "Аугсбург" меҳмони бўлади. Баҳс 20 ноябрь, соат 00:30 га белгиланган.