"Челси" бош мураббийи Томас Тухель ҳужумчи Ромелу Лукаку жароҳатидан тикланишга яқин эканлиги ҳақида хабар берди.
“Ромелу яна жамоа билан машғулотларни бошлаш арафасида. Умид қиламанки, у якшанба кунидан сафимизга қўшилади. Ромелу имкон қадар тезроқ майдонга қайтишга ҳаракат қилди. Агар ҳаммаси аъло даражада бўлса ва машғулотларда ҳеч қандай муаммо бўлмаса, эҳтимол у Чемпионлар лигасида "Ювентус" билан баҳсда ҳеч бўлмаса захирадан ўйинни кузатиши мумкин", - деди Тухель.
2021/22 йилги мавсумда Лукаку “Челси” сафида 11та ўйинда майдонга тушиб, 4 гол ва 1та голли узатмани амалга оширган. 28 ёшли белгиялик футболчи 20 октябрь куни Чемпионлар лигаси доирасида "Малмё"га қарши ўйинда (4:0) жароҳат олган эди.
