ПСЖ ҳужумчиси Лионель Месси 2021/2022 йилги Чемпионлар лигаси фаворитлари ҳақида гапирди.
“Ҳамма ПСЖ Чемпионлар лигасининг асосий фаворити деб гапиради. Давогарлар қаторида эканлигимизни инкор этмайман, лекин кучли жамоа бўлиш учун ҳали кўп иш қилишимиз керак. Ҳа, биз фаворитларданмиз, лекин ягона эмасмиз.
“Ливерпуль” бугун кунда жуда зўр формада. Ундан ташқари “Манчестер Сити”, “Бавария”, “Реал”, “Атлетико” ҳам бор. Кўп жамоалар Чемпионлар лигасида ғолиб чиқишга қодир. Бу сўнгги йиллардаги энг қизиқарли чемпионатлардан бири бўлди”, - деди Месси “Маrcа” газетасига берган интервьюсида.
24 ноябрь чоршанба куни ПСЖ Чемпионлар лигаси доирасида “Манчестер Сити”га қарши сафарда ўйин ўтказади.
