Англия чемпионатининг 15-тури доирасида бир нечта ўйинлар якунига етди. «Ливерпуль» сафарда «Вулверхэмптон» клуби меҳмони бўлиб, қийин ғалабани қўлга киритди.

Мезбонлар мазкур ўйинда 90 дақиқа давомида бутун жамоа бўлиб ҳимояланишди. Мерсисайдликлар эса уларнинг мудофаасини ёриб ўтишга қийналишди. Шунга қарамай, Клопп жамоаси бир нечта хавфли вазиятларни яратишди, аммо сўнгги паллада уларга омад етишмади.

Фақатгина иккинчи бўлимга қўшиб берилган 4-дақиқада Давид Ориги рақиб дарвозасига йўл топиб, "Ливерпуль" қутқарувчисига айланди.

"Ливерпуль" ушбу ғалабадан сўнг ўз очколарини 34тага етказиб, "Челси"нинг очко йўқотишидан унумли фойдаланган ҳолда бир неча соатга бўлса-да 1-ўринга кўтарилиб олди.

Англия чемпионати, 15-тур
Вулверхэмптон – Ливерпуль 0:1 (0:0, 0:1)
Гол: 0:1 – 90+4 Ориги.
Вулверхэмптон – Жозе Са, Семеду, Коуди, Саисс, Килмен, Аит-Нури (Хувер, 90), Дендонкер, Рубен Невеш, Хван Хи Чхан (Моутинью, 79), Хименес, Траоре (Тринкау, 88).
Ливерпуль – Алиссон, Александер-Арнолд, Матип, ван Дейк, Робертсон, Хендерсон (Ориги, 68), Тиаго Алькантара, Фабиньо, Салах (Милнер, 90), Мане, Диогу Жота (Окслейд-Чемберлен, 82).
Огоҳлантиришлар: Дендонкер (26), Фабиньо (62), Робертсон (66), Хименес (88).