Angliya chempionatining 15-turi doirasida bir nechta o‘yinlar yakuniga yetdi. «Liverpul» safarda «Vulverxempton» klubi mehmoni bo‘lib, qiyin g‘alabani qo‘lga kiritdi.

Mezbonlar mazkur o‘yinda 90 daqiqa davomida butun jamoa bo‘lib himoyalanishdi. Mersisaydliklar esa ularning mudofaasini yorib o‘tishga qiynalishdi. Shunga qaramay, Klopp jamoasi bir nechta xavfli vaziyatlarni yaratishdi, ammo so‘nggi pallada ularga omad yetishmadi.

Faqatgina ikkinchi bo‘limga qo‘shib berilgan 4-daqiqada David Origi raqib darvozasiga yo‘l topib, "Liverpul" qutqaruvchisiga aylandi.

"Liverpul" ushbu g‘alabadan so‘ng o‘z ochkolarini 34taga yetkazib, "Chelsi"ning ochko yo‘qotishidan unumli foydalangan holda bir necha soatga bo‘lsa-da 1-o‘ringa ko‘tarilib oldi.

Angliya chempionati, 15-tur
Vulverxempton – Liverpul 0:1 (0:0, 0:1)
Gol: 0:1 – 90+4 Origi.
Vulverxempton – Joze Sa, Semedu, Koudi, Saiss, Kilmen, Ait-Nuri (Xuver, 90), Dendonker, Ruben Nevesh, Xvan Xi Chxan (Moutinyu, 79), Ximenes, Traore (Trinkau, 88).
Liverpul – Alisson, Aleksander-Arnold, Matip, van Deyk, Robertson, Xenderson (Origi, 68), Tiago Alkantara, Fabinyo, Salax (Milner, 90), Mane, Diogu Jota (Oksleyd-CHemberlen, 82).
Ogohlantirishlar: Dendonker (26), Fabinyo (62), Robertson (66), Ximenes (88).