Portugaliya terma jamoasi va “An-Nassr” futbolchisi Krishtianu Ronalduning o‘g‘li Krishtianu Junior bir hafta ichida otasining kredit kartasidan 9 million dollardan ortiq mablag‘ sarflagani haqida xabarlar tarqaldi.

Qayd etilishicha, Ronaldu o‘g‘liga bir muddat o‘z kredit kartasidan foydalanishga ruxsat bergan. Biroq hisobdagi 1,8 million dollarlik xarajat futbolchining e’tiborini tortgan.

Shundan so‘ng Ronaldu kartadagi boshqa xarajatlarni ham tekshirgan. Xabarlarga ko‘ra, uning o‘g‘li bir hafta davomida qimmatbaho avtomobillar va boshqa hashamatli buyumlarga 9 million dollardan ortiq mablag‘ sarflagani ma’lum bo‘lgan.

Ta’kidlanishicha, bundan xabar topgan Portugaliya terma jamoasi sardori darhol choralar ko‘rib, o‘z jamoasi bilan bog‘langan va kredit kartadan foydalanishni to‘xtatgan. Shuningdek, portugaliyalik yulduz o‘g‘lining o‘z hisoblariga kirishini ham butunlay cheklagan.

Ma’lumot uchun, 16 yoshli Krishtianu Ronaldu Junior “An-Nassr”ning yoshlar jamoasida to‘p tepadi.