“Манчестер Юнайтед” шартномаси муддати тугаш арафасида турган франциялик яримҳимоячи Поль Погбага ўринбосар топиш устида ишламоқда. Клуб бир неча бор футболчига ҳамкорликни узайтиришни таклиф қилган, бироқ яримҳимоячи буни кечиктирмоқда. 

Шу муносабат билан манкунианликлар унга ўринбосар излай бошлашди. “The Sun” нашри хабарига кўра, “қизил иблислар” Бирмингемнинг “Астон Вилла” футболчиси Жон Макгиннга эътибор қаратишган. “Шерлар” футболчи учун 50 миллион фунт (59 миллион евро) тўлашса, уни “Олд Траффорд”га қўйиб юборишга тайёр.

Англиянинг жорий мавсум чемпионатида 27 ёшли шотландиялик футболчи 14 та ўйин ўтказиб, 3 та гол урди ва 2 та голли узатмани амалга оширди.