Эрон терма жамоасининг собиқ футболчиси ва мураббийи, дунё миқёсида терма жамоаси учун энг кўп тўп киритган Али Даи автоҳалокатга учради.
Бу воқеа Дайи ўз жамоаси "Роҳ Оҳан"нинг машғулотларидан Теҳронга қайтаётганида содир бўлган. 42 ёшли мутахассиснинг автомашинаси ағдарилиб кетган ва унинг бош суяги ва қулоғига жароҳат етган. Ҳалокат тафсилотлари ошкор қилинмаяпти.
Али Дайи футбол тарихида терма жамоасида энг кўп гол урган футболчи ҳисобланади. У 149 ўйинда 109та гол уришга эришган. Унинг энг яқин таъқибчиси венгриялик марҳум футболчи Ференц Пушкаш ҳисобланади - 84 та гол.
Али Дайи футболчилик фаолиятини 2007 йил тугатиб, мураббий сифатида ишлаб келмоқда. "Бавария" сафида Германия чемпиони ва Чемпионлар лигаси финалчиси бўлган. 2010 йилги Жаҳон чемпионати саралашидаги омадсизликдан сўнг Эрон терма жамоаси бош мураббийи курсисини тарк этган.
