"Фиорентина" ҳужумчиси Душан Влаховичга Европанинг кўплаб топ клублари қизиқиш билдирмоқда.

"The Times" нашри хабарига кўра, 21 ёшли футболчига "Манчестер Сити", "Ювентус", "Боруссия", ПСЖ, "Милан", "Арсенал" ва "Атлетико" даъвогарлик қилмоқда. Бундан ташқари, манбанинг хабарига кўра, "Тоттенхэм" форвардга қизиқишни яна оширишни режалаштирмоқда.

Маълумотларга кўра, "бинафшаранглилар" серб учун тахминан 77 миллион фунт (90 миллион евродан ортиқ) олмоқчи, гарчи унинг клуб билан шартномаси 2023 йилнинг ёзида якунига етадиган бўлса ҳам.

Душаннинг ўзи янги клубида солиқлардан ташқари ҳафтасига тахминан 200 минг фунт ишлаб олмоқчи.

Қайд этиш жоиз, ҳужумчи жорий мавсум “Фиорентина” сафида барча турнирлар доирасида 20 та ўйинда майдонга тушиб, 18 та гол ва 2 та голли узатмани амалга оширди.