“Арсенал” ҳужумчиси Эдвард Нкетия январь ойидаги трансфер ойнаси вақтида клубини ўзгартириши мумкин. 22 ёшли ҳужумчи хизматларига Премьер-лиганинг икки клуби “Брайтон” ва “Кристал Пэлас” қизиқиш билдирмоқда.
Яқинда Микель Артетанинг Нкетияни қўйиб юборишни истамаслиги ҳақида айтган сўзларига қарамай, футболчининг ўзи клубдаги ҳолатидан қониқмаяпти. Шу боис форвард жамоани тарк этиб, унга кўпроқ ўйин амалиёти берадиган клуб сафига ўтишни истамоқда.
Эслатиб ўтамиз, 2021 йилнинг ёзида футболчи учун айнан “Брайтон” ва “Кристал Пэлас” кураш олиб боришган, аммо кейин келишув амалга ошмаган. Жорий мавсумда Нкетия “Арсенал” сафида Премьер-лигада бор йўғи 3 та ўйинда майдонга тушди.
