Ярим ҳимоячи Лука Модрич "Реал" билан янги шартнома шартлари бўйича келишиб олди.
Хабар қилинишича, хорват Мадрид клубининг таклифини аллақачон қабул қилган. Унга кўра, ярим ҳимоячининг шартномаси 2023 йилнинг ёзига қадар мўлжалланган. Унда Модрич ҳозиргидан 10 фоизга кам маош олади.
Ҳудди Винисиусда бўлганидек барча керакли ҳужжатлар мавсум якунланганидан кейин имзоланади.
Мураббий Карло Анчелотти 36 ёшли футболчининг муносабати ва тактик тушунчасини қадрлашидан ҳайратда. Италиялик мутахассис "Реал Мадрид" раҳбариятига 2022/23 йилги мавсум учун режани топшириб бўлди. Унда у Модричга умид боғлаётгани алоҳида таъкидланган.
Хорватиянинг амалдаги шартномаси 2022 йилнинг ёзида якунига этади.
Ушбу мавсумда марказий ярим ҳимоячи "Реал" сафида барча мусобақаларда 20 та ўйинда майдонга тушди ва 5 та голли узатмани амалга оширди.
