“Sport Bild” нашри хабарига кўра, Мюнхеннинг “Бавария” клуби ҳужумчиси Роберт Левандовски клуб раҳбарларига янги шартнома талабларини илгари сурган. Эслатиб ўтамиз, полякнинг мюнхенликлар билан амалдаги шартномаси 2023 йилнинг ёзига қадар тузилган.
Манбага кўра, агар йиллик маошини 24 миллион евро этиб белгиласа, Левандовски клуб билан шартномани узайтиришга тайёр. Катта эҳтимол билан “Бавария” бунга рози бўлмайди, чунки бу сумма 33 ёшли футболчи учун жуда катта ҳисобланади.
Жорий мавсумда Роберт Бундеслигада 20 та гол уришга муваффақ бўлди. “Бавария” 43 очко билан Бундеслигада пешқадамлик қилмоқда.
