“Бавария” ҳужумчиси Роберт Левандовски ФИФА талқини бўйича нуфузли индивидуал совринни қўлга киритди. The Best маросимида поляк ўтган мавсумнинг энг яхши футболчиси деб топилди.
2021 йилда ҳужумчи Европанинг топ-5 лигалари орасида энг яхши тўпурарга айланди. Шунингдек, Левандовски “Бавария” билан Германия чемпионлигини ҳам қўлга киритди.
Бир неча ой олдин Левандовски “Олтин тўп” учун овоз беришда ПСЖ юлдузи Лионель Мессидан кейин иккинчи ўринни эгаллаган эди. Бу сафар аргентиналик рақиби Левандовскидан ортда қолди. Ундан ташқари кучли учликда “Ливерпуль” вингери Муҳаммад Салоҳ ҳам бор эди.
