«ПСЖ» бош мураббийи Маурисио Почеттино жамоасининг «Лилль» устидан қозонган ғалабасидан мамнун.

Ҳужумчи Лионель Месси ўйинда гол урди ва битта голли узатмани амалга оширди. Почеттино футболчини сайёрадаги тенгсиз ўйинчи деб атади.

«Биз ўйинни яхши ўтказдик. Жамоанинг ўйинидан жуда мамнунман. Кўплаб вазиятлар яратдик, ажойиб комбинациялар уюштирдик.

Футболчилар анча ишончли ўйнашди. Бу прогресс учун бошланғич нуқтадир. Биз мавсумнинг энг яхши ўйинларидан бирини ўтказдик. Рақибимиз Чемпионлар лигаси жамоаси эди, жуда қийин баҳс кечди.

Мен Мессининг сайёрадаги энг яхши футболчи эканлигига ҳеч қачон шубҳа қилмаганман. Унга мослашиш, формасини тиклаш учун вақт бериш муҳим эди. Ахир у коронавирус туфайли бир ой майдонга тушмади. Буни ҳисобга олиш керак», - дейди Почеттино.