«Милан» бош мураббийи Стефано Пиоли жамоанинг «Интер»га қарши кўрсатган ўйинидан мамнун. Шунингдек, у Златан Ибрагимович ёши катта бўлишига қарамай ҳеч қачон жамоага юк бўлиб қолмаслигини айтди.

“Жамоа ғалабага ишонишдан тўхтамади ва ўйнашда давом этди. Лекин бу одамлар ўйлаган ва айтганидан кўра мувозанатли ўйин бўлди. Дарвоза томон ўнта зарба бердик, «Интер» ҳам ўнта зарба йўллади, тўпга эгалик қилишда эса устунлик қилдик. Кўпинча кичик эпизодлар ўйинни ҳал қилади. Биз ўйинда охиригача қолишга муваффақ бўлдик.

Ибранинг келажаги? У ажойиб ўйинчи ва биз учун муҳим футболчи бўлиб қолмоқда. Мавсум якуни унинг келажагини белгилаб беради. У ҳеч қачон юк бўлмайди, балки жуда муҳим футболчи бўлади, у сабабли жамоа ўсди ва ўсишда давом этмоқда.

«Милан»да ўзимни яхши ҳис қиляпман, менежерлар билан яхши муносабатдаман, мен ҳамма билан тўлиқ аҳилман ва бугун мен «Милан»да абадий қолишим мумкинлигини айтаман", - дейди Пиоли.