«Milan» bosh murabbiyi Stefano Pioli jamoaning «Inter»ga qarshi ko‘rsatgan o‘yinidan mamnun. Shuningdek, u Zlatan Ibragimovich yoshi katta bo‘lishiga qaramay hech qachon jamoaga yuk bo‘lib qolmasligini aytdi.

“Jamoa g‘alabaga ishonishdan to‘xtamadi va o‘ynashda davom etdi. Lekin bu odamlar o‘ylagan va aytganidan ko‘ra muvozanatli o‘yin bo‘ldi. Darvoza tomon o‘nta zarba berdik, «Inter» ham o‘nta zarba yo‘lladi, to‘pga egalik qilishda esa ustunlik qildik. Ko‘pincha kichik epizodlar o‘yinni hal qiladi. Biz o‘yinda oxirigacha qolishga muvaffaq bo‘ldik.

Ibraning kelajagi? U ajoyib o‘yinchi va biz uchun muhim futbolchi bo‘lib qolmoqda. Mavsum yakuni uning kelajagini belgilab beradi. U hech qachon yuk bo‘lmaydi, balki juda muhim futbolchi bo‘ladi, u sababli jamoa o‘sdi va o‘sishda davom etmoqda.

«Milan»da o‘zimni yaxshi his qilyapman, menejerlar bilan yaxshi munosabatdaman, men hamma bilan to‘liq ahilman va bugun men «Milan»da abadiy qolishim mumkinligini aytaman", - deydi Pioli.