"Вильярреал" бош мураббийи Унаи Эмери Ла Лиганинг 23-турида "Реал Бетис"ни мағлуб этганидан сўнг (2:0) ўз жамоаси каби Чемпионлар Лигаси зонасига чиқиш учун курашаётган "Барселона" ҳақида ўз фикрлари билан ўртоқлашди.

"Барселона"да уларга туртки берадиган муҳим трансфер ойнаси бор эди. "Атлетико" устидан қозонилган ғалаба билан улар олдинга қадам ташлашди. Уларга кучли тўртликка кирмаслиги қийин бўлади", - дейди испаниялик мутахассис.

Эслатиб ўтамиз, кеча ҳам “Барселона” – “Атлетико Мадрид”га қарши ўйнади. Каталонияликлар 4:2 ҳисобида ғалаба қозонишди ва бунинг эвазига турнир жадвалида “матрасчилар”ни қувиб ўтиб ўтди ва ўз ҳисобида 38 очко жамғарган ҳолда 4-ўринга кўтарилиб олди.

“Вильярреал” “Барса”дан 3 очко ортда қолган ҳолда 6-ўринда бормоқда.