"Интер" ярим ҳимоячи Иван Перишич билан шартномани узайтиришга яқин турибди. Николо Скиранинг сўзларига кўра, келишув 2024 йилгача амал қилади.
Янги келишувга кўра, футболчининг маоши йилига 4 миллион еврони ташкил қилади.
Олдинроқ хорватиялик футболчи мавсумига 5 миллион маош билан 3 йиллик шартнома имзоламоқчи экани ҳақида хабарлар тарқалган эди.
Маълумот учун, Перишич ва итальян гранди ўртасидаги амалдаги шартнома муддати шу мавсум охиригача тузилган.
А Сериянинг бу мавсумида 33 ёшли хорват 21 ўйин ўтказиб, 5 гол ва 1 та голли узатмани амалга оширган.
