Аввал хабар берганимиздек, жорий йилнинг 27 февраль куни Яйпан шаҳридаги «Ўзбекистон» ўйингоҳида Ўзбекистон Суперкубоги учрашуви бўлиб ўтади. Айни кунларда мазкур ўйингоҳ худудида мазкур учрашувга тайёргарлик жараёни қизғин руҳда давом этмоқда.
Бугун ЎзПФЛ бош директори Диёр Имомхўжаев бошчилигидаги ишчи гуруҳ Яйпан шаҳрига ташриф буюрди. Ташриф давомида ЎзПФЛ делегацияси «Ўзбекистон» ўйингоҳида Суперкубок учрашувига олиб борилаётган тайёргарлик ишлари билан яқиндан танишди. Жумладан футбол майдонининг айни дамдаги холати, ўйингоҳ худудида ОАВ вакиллари ва томошабинларга яратилган шароитлар ўрганилди.


Шунингдек, Яйпан клуби президенти Олимхон Аҳмедов томонидан ЎзПФЛ делегациясига янги барпо этилаётган замонавий қароргоҳ яқиндан таништирилди.













