"Динамо" (Киев) яримҳимоячиси Денис Гармаш Украина чемпионати 26-турида "Шахтёр"га кечган ўйинда ўзининг четлатилиши ҳақида сўзлаб берди.

"Гусев бурчак тўпини киритаётганда Луис Адриано менинг энсамга тирсаги билан урди. Мен шок ҳолатида эдим ва ҳакамнинг менинг майдондан чиқишимни буюрганини англамадим. Ўзимга келиб, уни тушундим ва ён чизиққа қараб юрдим.

Бу пайтда бизнинг массажчимиз майдонда эди ва ҳакам ўйинни бошлаб юборди. Мен ён чизиққа қараб югурдим, қайтариб айтаман, югурдим. Қадам ташладим эмас. Ҳакам мени ўйин вақтини чўзди дея иккинчи "сариқ"ни кўрсатди.

Мен ундан сўрадим: "Нима учун?" - "Менинг рухсатимсиз майдонга қайтдинг". "Мен майдонни тарк этмадим-ку?!" - эътироз билдирдим. "Кейин видеони кўрарсан", - деди ҳакам ва майдонни тарк этишимни ишора қилди", - дея Гармашнинг сўзларини келтиради "Спорт-Экспресс в Украине".

Эслатиб ўтамиз, бу воқеага Шевченконинг  билдирган фикрини эълон қилган эдик.