"ПСЖ" президенти ва Европа клублар ассоциацияси (ECA) раҳбари Носир Ал-Хелайфи ҳужумчи Килиан Мбаппенинг профессионаллигига шубҳа қилмаслигини айтди.
“Мбаппе ҳақиқий чемпион. У намунали футболчи ва тасдиқлашим мумкинки, у бу учрашувларда фақат ғалаба қозониш ҳақида ўйлайди. У “ПСЖ”, шу шаҳар учун ўйнашдан фахрланади. У бу билан доимо фахрланади.
Яширмайман, "Реал" билан деярли алоқамиз йўқ. Мен содир бўлмаган нарса ҳақида гапирмайман", деди Ал-Хелайфи.
Клуб футболчининг вакиллари билан келаси ёзда тугайдиган шартномани узайтириш масаласини муҳокама қилишда давом этмоқда. “ПСЖ” Мбаппени жамоадаги энг кўп маош олувчи футболчига айлантириши мумкин.
