"Наполи" ҳужумчиси Виктор Осимхен Европа лигаси 1/8 финалидаги "Барселона"га қарши ўйинни жароҳати туфайли ўтказиб юбориши мумкин, деб ёзди журналист Жакомо Якобеллис.
Манба берган хабарга кўра, 16 феврал куни нигериялик футболчи мушакларидаги жароҳат туфайли жамоа билан машғулот ўтказмаган. У бугун Каталонияга жўнаб кетиши керак. Аммо унинг эртанги ўйинда иштирок эта олиши ҳозирча маълум эмас.
23 ёшли Осимхен жорий мавсум А серияда 15 та ўйинда майдонга тушиб, 6 та гол урди.
"Барселона" - "Наполи" учрашуви эртага, 17 феврал куни бўлиб ўтади.
