«Эвертон» бош мураббийи Фрэнк Лэмпард голландиялик ярим ҳимоячи Донни ван де Бек ҳақида гапирди.

Эслатиб ўтамиз, Донни бу қишда «ирисчилар» сафига кўчиб ўтган эди. У аввалроқ «Манчестер Юнайтед»да ҳам ўйнаган.

«Мен ван де Бекнинг ўйинидан жуда ҳам мамнунман. У ҳам ўз формасидан, шу жумладан, жисмоний ҳолатидан мамнун. У шубҳасиз, юқори даражадаги ўйинчи.

Донни «Аякс»да ўйнаганида ҳам шундай эди. У сабр кўрсатди ва ҳар қандай вазиятдан чиқиш йўли борлигини исботлади. Энди у бахтли», - дейди Фрэнк.