Италиянинг "Наполи" клуби бош мураббийи Лучано Спаллеттининг фикрича, агар Диего Марадона ҳаёт бўлганида "Барселона"га қарши бўлиб ўтадиган ўйинда "Наполи"ни қўллаб-қувватлаган бўларди.
Неаполликлар Европа Лигасининг 1/16 финал жавоб учрашувида "Барселона" футболчилари билан беллашади.
«Мен Марадона ҳақида кўп ўқиганман. Танлаш керак бўлганида у ҳеч қачон иккита стулга ўтиришга ҳаракат қилмаган ва доим бир томонни танлаган.
Ўйлайманки, эртага "Барселона" жамоасининг савиясини ҳисобга оладиган бўлсак, Марадона бизни танлаган бўларди.
Ҳозир «Наполи» таркибида у каби савиядаги футболчи йўқ, лекин биргаликда Марадонага муносиб жамоага айлана оламиз», – деди Спаллетти.
