«Бавария» трансфер сиёсатини тубдан ўзгартириши мумкин.

Қийин иқтисодий вазият туфайли Германия чемпионлари «сотилмайдиган» клуб мақомидан қочиш ҳақида ўйламоқда деб ёзади Kicker нашри.

Ҳозир «Бавария»да қиммат юлдуз футболчиларни сотиб олиш имконияти йўқ. Шу боис, энди Мюнхен клуби 20-22 ёшли истиқболли футболчиларни 2-4 йил ичида ривожлантириб, катта товон пули эвазига сотишни устувор вазифа қилиб қўймоқчи.

Бундан ташқари, «Бавария» Австрия ва Бельгиянинг олий лига клублари билан ҳамкорликни йўлга қўймоқчи бўлиб, у ерга ёш футболчиларни ижарага бермоқчи. Австрияда бу клуб "Австрия Клагенфурт" бўлиши мумкин.