«Барселона» бош мураббийи Хави «Милан» ярим ҳимоячиси Франк Кессье билан Каталония клубига ўтиш борасида гаплашди, деб хабар берди журналист Жерар Морено твиттердаги саҳифасида.

Манбага кўра, Хави 25 ёшли иуарлик футболчига қўнғироқ қилган. Суҳбат давомида мураббий ва ярим ҳимоячи эҳтимолий трансферни муҳокама қилишган.

Қайд этилишича, Кессье ҳам «Барселона»га ўтишни истамоқда ва 42 ёшли испаниялик мутахассис қўл остида ўйнамоқчи.

Жорий мавсумда Кессье «Милан» сафида 26 та ўйинда майдонга тушиб, 6 та гол ва 1 та голли узатмани амалга оширди. Ярим ҳимоячининг Италия клуби билан шартномаси 2022 йилнинг 30 июнига қадар мўлжалланган.

Аввалроқ, «Барселона» Кессьени ёзда сотиб олмоқчилиги ва унга йилига 6,5   миллион евро тўлашга тайёрлиги хабар қилинганди.