Хабарингиз бор, ЎзПФЛ стадионларда хавфсизликни таъминлаш борасида Ўзбекистон Республикаси Миллий гвардияси билан ҳамкорлик қилади.

Бугун Миллий гвардия ходимларининг янги мавсумга тайёргарлик машғулотлари ўтказилди. Тошкент шаҳридаги "Бунёдкор" стадионида ўтказилган машғулотларда Миллий гвардия жамоат тартибини сақлаш бошқарма бошлиғи ўринбосарлари ва стюардлар иштирок этди. Кун давомида уларга стадионларда хавфсизликни сақлаш ва жамоат тартибини таъминлаш бўйича янги кўрсатмалар берилди. Машқлар давомида иштирокчиларда амалий кўникмалар шакллантирилди.