«Ливерпуль» бош мураббийи Юрген Клопп ярим ҳимоячи Тиаго Алькантара ҳақида фикр билдирди. Эслатиб ўтамиз, Тиаго Лига кубоги финалида «Челси»га қарши ўйин олдидан жароҳат олган эди.
«Қизиллар» «Челси»ни пенальтилар сериясига кўра мағлуб этиб, кубокни қўлга киритди.
«Тиагонинг сон мушакларида муаммолар бор. У ўзида маълум бир ноқулайликни ҳис қилди.
Ҳозир у яхши, лекин энг яхши формада эмас. Эҳтимол, у «Норвич» ва «Вест Хэм» ўйинларини ўтказиб юборади. Ўйлайманки, у Чемпионлар лигаси доирасидаги «Интер»га қарши ўйинда қайтиши мумкин», - дея Клоппнинг сўзларини келтиради «қизиллар» матбуот хизмати.
«Ливерпуль» – «Интер» учрашуви 8 март куни бўлиб ўтади.