«Liverpul» bosh murabbiyi Yurgen Klopp yarim himoyachi Tiago Alkantara haqida fikr bildirdi. Eslatib o‘tamiz, Tiago Liga kubogi finalida «Chelsi»ga qarshi o‘yin oldidan jarohat olgan edi.
«Qizillar» «Chelsi»ni penaltilar seriyasiga ko‘ra mag‘lub etib, kubokni qo‘lga kiritdi.
«Tiagoning son mushaklarida muammolar bor. U o‘zida ma’lum bir noqulaylikni his qildi.
Hozir u yaxshi, lekin eng yaxshi formada emas. Ehtimol, u «Norvich» va «Vest Xem» o‘yinlarini o‘tkazib yuboradi. O‘ylaymanki, u Chempionlar ligasi doirasidagi «Inter»ga qarshi o‘yinda qaytishi mumkin», - deya Kloppning so‘zlarini keltiradi «qizillar» matbuot xizmati.
«Liverpul» – «Inter» uchrashuvi 8 mart kuni bo‘lib o‘tadi.
