«Barselona» Madridning «Atletiko» klubi hujumchisi Xulian Alvares uchun bergan taklifini oshirish niyatida emas.

«Matraschilar» argentinalik futbolchi uchun 100 million yevro taklif qilgan kataloniyaliklar bilan muzokara olib borishdan bosh tortmoqda. Jurnalist Santi Ovalye ma’lumotiga ko‘ra, agar «Atletiko» transfer oynasi yopilguniga qadar birinchi taklifga javob bermasa, «Barselona» 26 yoshli forvard uchun yaxshilangan taklif yubormaydi.

Avvalroq Madrid klubi vakillari Xulian Alvaresni prinsipial ravishda «Barselona»ga sotmasliklarini yana bir bor ta’kidlagan edi.

Shu bilan birga, mish-mishlarga ko‘ra, «Atletiko» futbolchini «Arsenal»ga qo‘yib yuborishga tayyor. Biroq Alvaresning o‘zi London klubiga o‘tishga unchalik qiziqish bildirmayapti.